Minister Shalten Hato MINISTER DI HUSTISIA I ASUNTUNAN SOSIAL DI ARUBA, SR. ROCCO TJON A TENE SIMPOSIO TOKANTE “HUMAN FACTOR VS TECHNOLOGY”

Awe mainta, hunto ku kolega Minister di Hustisia di Curaçao, Sr. Shalten Hato, Minister di Hustisia i Asuntunan Sosial di Aruba, Sr. Rocco Tjon a hiba palabra durante e simposio titulá “Human Factor vs Technology.

Un simposio interesante organisá pa e “Stuurgroep Informatie Coordinatie” di kual e “voorzitterschap” ta den man di Aruba, den nòmber di Sr. Juri Nicolaas, hefe di Siguridat Nashoonal. E meta di e simposio ta pa huntu ku tur stakeholders den e kadena hudisial, lokal i regional, strukturalmente deliberá riba temanan stratégiko. E simposio aki a konta cu participashon di tur e altokomisarionan di Reino Karibense, RST, pero tambe partisipantenan di sektor semi-publiko i privá.

Segun tantu Minister Tjon i Minister Hato ta sumamente importante pa invertí den teknologia, pasobra esaki sigur lo yuda kombatí kriminalidat mas efisiente i efikas. Pero no por neglishá e rekurso di mas balioso den kuadro di esaki, kual ta e rekurso humano.

Pa e motibo aki ta importante pa krea strukturanan di organisashon adekuá, invertí den edukashon i guia pa personal. Por último mester perkurá pa krea e posibilidatnan pa por empleá e ekspertonan nesesario den organisashonnan ku ta pertenesé na e kadena hudisial.