KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

PREIS GASOLIN: KÒRSOU BAN AKTUA GLOBAL APLIKA LOKAL

Te awe nada di e senioren convent pidí pa TPK riba geopolitika. Gobièrnu no ke yudansa
PREIS GASOLIN: KÒRSOU BAN AKTUA GLOBAL APLIKA LOKAL
Bringa ku otro den kas no ta solushon. Gobièrnu anterior i aktual ta hopi amatür riba geopolitika

Parlamentario pa Partido Trabou pa Kòrsou Sr. Rennox Calmes ta hasi un apelashon na pueblo i gobernántenan pa stòp di bringa ku otro riba preis di gasolin. Bringa ku otro den kas no ta e solushon. E solushon tei pafó di Kòrsou, pero nos gobernántenan no tin e kurashi i determinashon pa bai busk’e. Tambe ambos gobièrnu tantu esun anterior i esun aktual ta mustra hopi amatür riba e área di geopolitka.

NOS TA LUBIDÁ LIHÉ.
Tur kos a kuminsá na momentu ku e Minister Presidente anterior a rekonosé Guaido pa presidente di Venezuela i den mésun temporada Merka a kuminsa apliká sankshonnan kontra di Venezuela. E tempu ei Merka a manda un komandante di milisia Merikano bini Kòrsou. E tempu ei Kòrsou a splika Merka, ku Venezuela ta nos ruman i tin hopi laso familiar. Debi na e sankshon nan Merikano nos refinería no por a risibí mas krudo Venezolano. Den mésun tempu Kòrsou tabata buska partner nobo pa refinería. Ora ku Kòrsou no por a risibi krudo Venezolano mas, solamente na 1 okashon gobièrnu Merikano a duna Kòrsou e asina yamá “ WEVER” pa 1 barku a drenta ku krudo pa nos refinería pa mantené preis di gasolin, awa, gas, koriente i kuminda abou. Después djei nunka mas Merka a wòri kabes ku nos. Laga pueblo di Kòrsou muri numa.

SOLUSHON I GEOPOLITIKA
Ta momentu pa gobièrnu di Kòrsou kuminsá kombersashon nan diplomatiko i polítiko ku gobièrnu di Venezuela riba e tópiko di refinería i krudo. Buska pa sa kon bin mei mei di tur e sankshon nan e kompania Chevron si por a siguí saka petrolio i nikel for di Venezuela. Anto kon bin Kòrsou ku a bira lomba pa Venezuela i sostené Merka, su pueblo si mester keda sufri. Kòrsou a pèrdè un oportunidat di oro na momentu ku a bendé tereno di Kòrsou ku konsul Merikano. Einan tábatin oportunidat pa bisa merka pa kani mi pa mi kani bo. Otro solsuhon ta pa buska petrolio serka e país nan ku ta atendé ku BRICS. BRICS a bini debi na e sankshon nan ku Merka ta poniendo i debi ku mundu ta atendé via dollar, e regulashon nan ta stroba otro paísnan su ekonomia tambe.
BRICS tin mésun prinsipionan ku e dollar, 1 pa reserva mundial, 2 pa hasi transakshon Internashonal. Pues no tin nada malu na esaki. Ora di Aqualectra si nos ta grita ku mester kibra monopolio tòg? Na final e gobernante organiko mester wak pa su pueblo kome i bibá. Di e manera aki tambe Kòrsou por yega na krudo pa operá refinería i baha preis di gasolin, gas, kuminda i lo demas bék riba nos dushi país Kòrsou.
P’esei TPK semper a boga pa Kòrsou tin su propio diplomatiko nan na konsul Hulandes. Manera geopolitika ta aktualmente, nos mester buta nan bèk.
sr. Rennox Calmes

 

639114718427035"
639114718427035"