Pronóstiko di tempu pa Kòrsou i bisindario bálido te djaluna mainta 06:00 o.l., 15 di mei 2023.

 

Pronóstiko di tempu pa Kòrsou i bisindario bálido te djaluna mainta 06:00 o.l., 15 di mei 2023.
Kompilá: djadumingu 14 di mei 2023, 05:00 o.l. (09:00 UTC).

Tempu: Parsialmente te hopi nublá ku chèns pa algun áwaseru lokal i lo no ekskluí e posibilidat pa welek i bos.

Temperatura máksimo lo alkansá 29ºC i temperatura mínimo 25ºC.
Solo ta sali 06:12 i ta baha 18:52 o.l.

Bientu: For di direkshon ost i moderá; forsa 4 (20 te 30 km/ora, 11 te 16 nudo). De bes en kuando basta fuerte te posiblemente fuerte den ráfaga; forsa 5 te 6 (31 te 50 km/ora, 17 te 27 nudo).

Situashon general: Un disturbio na nivelnan haltu di atmósfera kombiná ku un oumento di humedat lo sòru pa desaroyo di nubianan signifikante for di sùit durante di próksimo 24 ora. Algun di e nubianan aki por generá áwaseru riba parti nan di Kòrsou i no ta ekskluí e chèns pa welek i bos. Mas aleu, ta antisipá un fluho bientu moderá te basta fuerte durante di dia.

Kondishon di laman: Moderá ku altura di olanan entre 1 i 1.5 meter (3 i 6 pia).

Fenómeno spesial: Ningun.

Perspektiva te djamars mainta: Parsialmente nublá i no ta antisipá áwaseru signifikante.

Meteorólogo: Vrutaal.