Minister Charles Cooper Awe mainta e payaso Oliver Arridel a papia yen kos sin pia sin kabes na radio MAS.

Lague bini ku un dokumento, un so, kaminda tin mi firma abou ku ma duna Arrajet permit pa bula. E kos aki ta un gemadateerde autoriteit na e hefe di CCAA. Pues ami no ta firma pa permitnan.

Si bo ta kumpli ku leinan di nos pais, bo ta hanja vergunning. Si bo no ta kumpli ku nos leinan, bo NO ta hanja vergunning. Asina simpel. Arrajet TE AINDA ta kumpliendo ku nos leinan. Dia e no ta kumpli, lo revoká su vergunning. I sigur NO ta un payaso manera Oliver Arridell ta determiná si ta duna of kita un vergunning.

Wak kon foi april direktor di mi departamentu di aviashon CCAA a kontesta e payaso aki riba su alegashonan sin base.

Pero kompai Arridell ke manipulá opinion publiko pa tapa su fechorianan di korupshon den aviashon. Te awe nos ta wardando e dokumentonan ku nos a pidi pa e por hanja su ekonomische vergunning.

Ta un berguensa pa un hende bisa na radio ku ela konvense un Parlamentario pa tumba gobiernu. Nan mester kue Arridell sera pa tipo di ekspreshonan aki.

En todo kaso mi ta spera ku prensa no sigui duna e payaso aki plataforma pa sigui manipula ku ekspreshonan si base