Posponé komienso AA

Kòrsou 18 di mei 2023
Apresiabel direktiva,
Direktiva di CSB mediante di e karta aki ta relatá posponé komienso di kampionato
di AA di lo siguiente:
Konforme nos reglanan, ta yama un reunion tékniko kaminda ta establesé kódigonan
tékniko pa e kampionato di e aña koriente.
Den e reunion aki apénas algun klup a hasi akto di presensia i a yega na e kódigo
tékniko kual lo ta vigente pa aña 2023.
Den e reunion aki ekiponan presente a hasi algun palabrashon i a konkluí ku e aña
aki, mira na kompromiso nan ku nos selekshon di sòftbòl tin ku weganan na El
Salvador i preparashon di nos selekshon ta konkluí lo siguiente:
– ta organisá un torneo kòrtiku pa Hubenil.
– AA, despues di entrega di lista i traspaso ta kuminsá kampionato di 18 di mei, pa
despues suspendé e weganan pa selekshon su kompromiso na El Salvador, i
reanudá ora selekshon regresá.
– Klase A, un kampionato di 3 buèlta.
Ta bon pa enfatisá ku direktiva tei pa representá klupnan i pa ehekutá deseo i duna
guia na nos federashon.
Direktiva ta lamentá ku despues di ehekutá deseo di klupnan konforme desishon di
reunion di Kódigo Tékniko, tòg ta resultá un par di dia promé ku nos apertura, ku
algun klup su deseo ta pa suspendé kuminsamentu di kampionato. Direktiva ta
enfatisá si ku apesar di ta responsabilidat tambe di federashon pa kuida nos
atletanan, ta tambe responsabilidat di kada organisashon pa protehá nan atletanan.
Direktiva di CSB ta konkluí pues, ku pa motibunan di efektividat di preparashon di
nos selekshon, ta posponé kuminsamentu di kampionatonan di AA i Klase A.
E kampionato lo kuminsá 11 di ougùstùs 2023.
Direktiva ke informá tambe ku lo bai tin 2 torneo: unu pa ekiponan di klase A i e otro
pa e klase AA.
1. Klase A: Torneo Himno i Bandera lo tuma lugá 23, 24,25 i 30 di yüni (1 yüli)
2. AA: Kalentamentu Kampionato AA den e siman Olímpiko di FDOK ku ta di
31 di yüli pa 6 di ougùstùs.
E skemanan di e dos torneo nan lo wòrdu saka próksimamente.
Direktiva ta spera ku e desishon aki wòrdu respetá.
Direktiva for di awor ta deseá nos atletanan ku ta den preparashon pa representá
nos pais den e kompromiso na El Salvador tur klase di éksito.

Direktiva ta terminá ku un saludo deportivo