NOS SELEKSHON NASHONAL LO ENFRENTÁ EL SALVADOR DURANTE 2 PARTIDO AMISTOSO DIANAN 16 I 20 DI NOVÈMBER BINIDERO!
NOS SELEKSHON NASHONAL LO ENFRENTÁ EL SALVADOR DURANTE 2 PARTIDO AMISTOSO DIANAN 16 I 20 DI NOVÈMBER BINIDERO!
Den e dianan tras di lomba FFK a firma e kontratonan korespondiente i ayera a finalisá tur e tramiténan pa 2 partido amistoso kontra El Salvador. P’esei awor, di forma ofisial nos ta anunsiá tur detaye di e partidonan amistoso entre nos selekshon i e selekshon di El Salvador.
Partidonan ku primeramente mester a tuma lugá na El Salvador pero pa motibunan logistíko a opta pa tene ámbos partido aki na kas den Stadion Ergilio Hato.
E partidonan aki lo tuma lugá riba djaweps 16 di novèmber i tambe djaluna 20 di novèmber pa 8’or di anochi i portanan di stadion lo habri for di 6’or di atardi.
E biaha aki lo tin paketenan di karchi na benta ku ta bálido pa ámbos partido. Pues bo ta kumpra un pakete di karchi i por disfrutá di e partido di 16 i esun di 20 di novèmber próksimo.
Preis pa e paketenan aki ta kosta fl.25,- pa adulto miéntras mucha di 6 pa 12 aña i 60+ ta paga solamente fl.10,- pa 2 partido. Karchinan ta optenibel djárason mèrdia na ofisna di FFK i naturalmente djaweps dia di wega na e lokètnan di Stadion Ergilio Hato.
Nos entrenadó sr. Dean Gorré i su staf tékniko ta presentá e lista di 22 hungadó ku lo representá Kòrsou durante nos próksimo kompromisonan. Esaki, despues di a hasi algun adaptashon debí ku sierto hungadó a kai afó dor di leshon òf motibunan personal.
E siguiente hungadónan lo forma parti di e selekshon pa e partidonan amistoso kontra El Salvador;
- Trevor Doornbush
- Tyrick Bodak
- Nino Fancito
- Roshon van Eijma
- Juriën Gaari
- Justin Ogenia
- Nathangelo Markelo
- Nathan Holder
- Kevin Felida
- Godfried Roemeratoe
- Rolieny Bonevacia
- Shanon Carmelia
- Juninho Bacuna
- Elson Hooi
- Kenji Gorré
- Rangelo Janga
- Jafar Arias
- Jeremy Antonisse
- Ruensley Leuteria
- Sidney Kastaneer
- Danel Rosa
- Bryan Anastatia
Apesar ku e partidonan aki ta amistoso, nan ta di sumo importansia mirando ku nos lo por subi di puesto riba e ‘ranking’ di FIFA ku lo benefisiá nos na momentu di e sorteo pa e partidonan di kualifikashon pa Mundial 2026.
Pues un yamada ta bai na pueblo di Kòrsou kompletu pa prepará bo bandera pa akudí masalmente den stadion, djaweps awor 16 di novèmber pa animá, apoyá i sostené nos selekshon durante nos promé partido amistoso kontra El Salvador.
13 novèmber 2023
