Pronóstiko di tempu pa Kòrsou i bisindario bálido te djamars mainta 06:00 o.l., 23 di mei 2023.

 

Pronóstiko di tempu pa Kòrsou i bisindario bálido te djamars mainta 06:00 o.l., 23 di mei 2023.
Kompilá: djaluna 22 di mei 2023, 05:00 o.l. (09:00 UTC).

Tempu: Por lo general parsialmente nublá ku chèns pa algun áwaseru lokal.

Temperatura máksimo lo alkansá 31ºC i temperatura mínimo 26ºC.
Solo ta sali 06:10 i ta baha 18:54 o.l.

Bientu: Ost i suak te moderá; forsa 2 te 4 (7 te 30 km/ora, 4 te 16 nudo). De bes en kuando, basta fuerte den ráfaga; forsa 5  (31 te 39 km/ora, 17 te 21 nudo).

Situashon general: Un masa di airu húmedo i tambe instabil, asosiá ku un disturbio ta buta ku kondishon atmosfériko ta keda faborabel pa algun nubia signifikante pasa de bes en kuando riba nos region durante e proksimo 24 ora. Algun di e nubianan aki por generá algu di áwaseru riba sierto parti di nos isla. Prinsipalmente mañan, e chèns pa áwaseru lo oumentá mas. Tambe, e bientu lo supla ku un forsa suak te moderá di manera ku prinsipalmente den dia lo tin sensashon di èkstra kalor. E bientu suak tambe ta pone ku e kondishon di laman lo ta relativamente trankil.

Kondishon di laman: Trankil te moderá ku altura di ola entre 0.5 i 1 meter (2 i 4 pia).

Fenómeno spesial: Ningun.

Perspektiva te djarason mainta: Parsialmente nublá ku chèns pa algu di áwaseru lokal.

Meteorólogo: Vrutaal.