KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Psycho Bunny a habri su porta na Renaissance Mall

WILLEMSTAD:- Psycho Bunny ta e último tendensia di moda; hende hòmber ta loko kuné i e dama ta gusta wak e hende hòmber den dje! Ounke Psycho Bunny ta un marka ya bon konosí for di 2005, e’la konosé un kresementu eksplosivo durante di e último añanan i na 2021 e’la kibra tur rekòr. Esaki mes ta hasi ku awendia nan ta ofresé tur kos pa e hende hòmber òf e hobensitu. Loke ta pañanan pa ‘Men’ i ‘Teens’ ta premirá ku sigur lo ta gran faborito pa e próksimo temporada na Kòrsou. Ounke ku Psycho Bunny ta un marka pa hende hòmber, e dama tambe ta probechá di su estilo ‘unisex’.  Pa e dama ku tambe ke ‘style’ su Psycho Bunny ta rekomendá, un pèchi den último estilo òf e popular ‘bucket hat’. Tambe tin ‘boyfriend’ shirts, mea, sèrbètè i muchu mas!

 

Psycho Bunny, tin un línea amplio di Poloshirt, T-shirts, Performance-Shirts, Shorts, Slippers, Caps, Hats i muchu mas. Establesimentunan di Psycho Bunny ta multiplikando rápidamente rònt mundu i Kòrsou awor tambe ta paresé riba e lista aki. Kòrsou tin su propio Psycho Bunny store! Maneho di Lapal Group ta sumamente orguyoso di por habri portanan di Psycho Bunny na Kòrsou ofresiendo e kabayeronan un alternativa stylish, trendy i na un preis kompetitivo. E Psycho Bunny Store ta situá na Renaissance Mall, un área di kompra i entretenimentu serka di barkunan krusero i aksesibel pa turistanan, ademas e ta pas perfektamente ku e estilo sofistiká ku e marka ta proyektá. Ta invitá Kòrsou i tur fanátiko di Psycho Bunny pa bishita e store na Renaissance Mall di djaluna pa djasabra for di 10:00 pa 19:00.

 

Riba imágennan athunto momentu ku a kòrta sinta na Psycho Bunny store situá na Renaissance Mall. Ofisialmente Kòrsou awor tin su propio establesimentu ku merkansia ofisial di Psycho Bunny.

 

 

Leave a Reply

This site uses Akismet to reduce spam. Learn how your comment data is processed.