Pronóstiko di tempu pa Kòrsou i bisindario bálido te djaweps mainta 06:00 o.l., 25 di mei 2023.

 

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 25 di mei 2023.
Kompilá: djarason 24 di mei 2023, 05:00 o.l. (09:00 UTC).

Tempu: Leve te parsialmente nublá i generalmente seku.

Temperatura máksimo lo alkansá 33ºC i temperatura mínimo 27ºC.
Solo ta sali 06:10 i ta baha 18:55 o.l.

Bientu: Ost i suak te moderá; forsa 2 te 4 (7 te 30 km/ora, 4 te 16 nudo). De bes en kuando, basta fuerte den ráfaga; forsa 5  (31 te 39 km/ora, 17 te 21 nudo).

Situashon general: Durante di próksimo 24 ora, kondishon atmosfériko ta sigui stroba formashon di nubianan signifikante riba nos region. Pa e motibu aki, un tempu generalmente seku lo sigui prevalesé riba Kòrsou.  Mas aleu, debí ku bientu lo kontinuá relativamente suak te moderá, prinsipalmente den dia lo tin un sensashon di èkstra kalor.

Kondishon di laman: Trankil te moderá ku altura di ola entre 0.5 i 1 meter (2 i 4 pia).

Fenómeno spesial: Ningun.

Perspektiva te djabièrnè mainta: Parsialmente nublá i no ta antisipá áwaseru signifikante.

Meteorólogo: Abraham.