KOMUNIKADO DI PRENSA 245/2023.
28 mei 2023.

Detenshon relashoná ku maltrato i menasa.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Den oranan di mainta di djasabra 27 di mei 2023, polis mester a bai na Kaya Zusternan di
Schijndel (Pietermaai) na e Sentro di Bario, pa un kaso di maltrato i menasa.
Investigashon ku polis a hasi na e sítio ta indiká ku e hòmber sospechoso J.A.J. di 37 aña di
edat nase na Jamaica, a tuma pa kustumber di drumi bou di e dak di e Sentro di Bario di
Pietermaai.
Na momentu ku e persona ku ta enkargá ku e sentro a bai lanta e hòmber aki pa kit’é for di
e sítio, e sopsechoso a rabia bastante i kuminsá manda e hòmber ku piedra i a maltratá
esaki na su dede. El a menasá su víktima tambe.
Alrededor di 08.05’or polis a detené J. pa maltrato i menasa.
Durante di su detenshon, e sospechoso a bringa ku polis tambe i tabata nesesario pa a kibra
e resistensia aki.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.