Detenshon relashoná ku violashon di lei di arma di kandela, menasa i lei di opio.
KOMUNIKADO DI PRENSA 246/2023.
28 mei 2023.
Detenshon relashoná ku violashon di lei di arma di kandela, menasa i lei di opio.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Den oranan di mainta di djadumingu 28 di mei 2023, Sentral di Polis a dirigí un unidat pa
Fleur de Marie pa un dama ku a keda menasá ku arma di kandela dor di un hòmber ku a
presentá na su kas.
Na yegada di e unidat na e adrès ya e hòmber a bai for di e sítio.
Djis algun ratu despues e unidat a tende algun tiru prosedente di arma di kandela.
Mesora polis a bai den Bargestraat i a bin topa ku dos hòmber ku tabata aktua di forma
sospechoso.
Polis a tene un kontròl riba nan i a bin topa ámbos ku algu di droga i un di nan tabata den
posishon di un arma di kandela.
For di investigashon a resultá ku un di e hòmbernan, ta e mesun ku a menasá e dama algun
ratu promé.
Na e sítio alrededor di 05.37, polis a detené e hòmber E.L. di 31 aña di edat nase na Kòrsou
pa menasa i violashon di lei di opio.
Tambe polis a detené e hòmber sospechoso R.C.A. di 62 aña di edat nase na Kòrsou pa
violashon di lei di arma di kandela i e lei di opio.
Tantu e droga komo e arma di kandela a keda konfiská.
A presentá e duo sospechoso dilanti di un fiskal ouksiliar ku a ordená su enkarselamentu
pendiente di mas investigashon.
