KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Inspekshon di Salubridat ta intervení den e problemátika di tempu di espera pa pashèntnan di operashon

Ya pa largu tempu tin diferente lista di espera pa loke ta trata operashonnan ku mester tuma lugá den sala di operashon, sitanan di poliklínika i èksamennan di radiologia na CMC. Apesar di e fluktuashonnan, e listanan di espera ta keda inakseptablemente largu i ta mustra un tendensia di kresementu atrobe.
Tin un skarsedat grandi di trahadónan di sosten di O.K. (Asistentenan di OK i asistentenan di anestesia). Apesar di e diferente akshonnan resien di e gerensia, no a logra redusí e défesit pa motibu di e redukshon di personal, i no tin un solushon riba korto plaso tampoko pa e lista di espera ku ta kresiendo atrobe.
Di otro banda, na Antillean Adventist Hospital (Advent Ziekenhuis) si tin espasio pa risibí tantu pashèntnan di O.K. komo pashèntnan di radiologia.
Mirando ku kuido di pashènt ta menasá di ta na peliger, inspekshon a intervení aktivamente pa trata na nivelá e oumento di e lista di espera un poko.
E investigashon di inspekshon anterior ku Minister di GMN a pidi, ta andando ainda i lo wòrdu kompletá pronto.
E intervenshon di e inspekshon ta nifiká ku desde djamars 5 di yüni 2023, un gran kantidat di pashènt ku ta bini na remarke i ku ta riba lista di espera pa operashon pa mas di seis siman, lo mester wòrdu referí na Advent Hospital dor di CMC.
Ademas, for di djamars 5 di yüni 2023, pashèntnan ku tin un tempu di espera di mas ku seis siman pa èksamen di radiologia tambe mester wòrdu referí na Advent Hospital. Komo ku CMC i Advent Hospital ta digitalmente konektá pa radiologia pa un tempu largu kaba, e resultadonan lo ta disponibel mesora pa CMC.
Ademas, pashèntnan ku ta riba un lista di espera pa mas ku seis siman pa un operashon òf èksamen di radiologia por tuma kontakto ku Advent Hospital. Aki lo investigá si e pashènt ta bini na remarke pa un operashon òf èksamen di radiologia na Advent Hospital.
Ku e intervenshon aki e inspekshon ke krea un solushon temporal pero balansá pa e lista di espera ku a surgi.
639114718427035"
639114718427035"