Si a konvertí shushi den energia, awoki pueblo lo no ta sufri.

Ta straf pueblo djis paso ta TPK su idea

Si a konvertí shushi den energia, awoki pueblo lo no ta sufri.

Lo tabatin sufisiente kapasidat di koriente i su prijs lo keda abou.

 

 

Jonathan Symor, sekretario di Trabou pa Kòrsou, a tuma nota ku ta struktural mente último aña nan, Kòrsou ta hañ’é konfronta ku e situashon di kalor den temporada di orkan ku ta buta ku komunidat ta bai hasi mas uzo di koriente i esaki tin komo konsekuensia ku kapasidat di koriente ku Aqualektra ta produsi no ta sufisiente pa hinter Kòrsou. Konsekuensia ta ku koriente ta bai na sierto partinan di Kòrsou. Ta algun siman pasa politiko nan di MFK, PNP, PAR i MAN tabata bringa pa kua di nan a bini ku “waterstof”.

A laga un Minister di Hulanda bin firma MoU pa asuntu di energia, kaminda “waterstof” ta un kos di te aña 2030. Pero e solushon ta pa awor aki, awoki ku tin rònt mundu kaba ku ta konvertí shushi den energia, mes nan niun no ke atendé djis paso TPK a kore kampaña riba e tema aki. Asina ta straf e pueblo. Awe pueblo mester drumi sin koriente i sufri den kalor.

 

Konvertí shushi den energia lo a yuda nos den e momento nan aki pa tin sufisiente kapasidat di koriente, mantené tarifa di koriente abou, pueblo no mester paga hopi sèn fin di luna i Kòrsou lo bira mas limpi. Durante kampaña den è plan di Trabou pa Kòrsou, un di e asuntu nan ku lo a krea kuponan di trabòu i yuda tene tarifa di koriente abou ta konvertí shushi den energia. E kantidat di aña nan di shushi ku tin na landfill Malpais ta mas di 30 aña.

Ta sufisiente shushi pa konvertí den energia. Pa trabou pa Kòrsou ta straño ku yen hende ta papia di teknologia, pero ora tin oportunidat di bèrdat pa krea kupo di trabòu i yuda tene tarifa di koriente abou tur hende ta bira surdu i muda. Den e situashon aktual, banda di e mulina nan i e reversa osmosis. Konvertí shushi den energia lo a yuda dor di ta 1 fuente mas ku ta produsi koriente i ora asin’aki Aqualektra lo ta tin sufisiente kapasidat.

 

Trabou pa Kòrsou ta pidi gobièrnu pa laga aqualektra hasi un investigashon di rendabilidat di konvertí shushi den energia. Si por, asta inkluí pa uza shushi di Aruba i Boneiru tambe. Pa konvertí shushi den energia no mester inventá un wil nobo. Na hopi parti di mundu e wil a wòrdu inventá kaba i e ta funshonando bon.

 

Sekretario di Trabou Pa Kòrsou TPK,

Sr. Jonathan Symor