Kas ta kima ku un morto registrá.
KOMUNIKADO DI PRENSA 262/2023.
8 yüni 2023.
Kas ta kima ku un morto registrá.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 8 di yüni 2023 alrededor di 12.48’or, Sentral di Polis a risibí notifikashon ku tin un
kas den Monte Carmelo na kandela.
Na yegada di e unidat polisial, a topa ku un kas mitar di blòki mitar di palu kompletamente
na kandela.
Personal di brantwer di Rio Canario i Mundo Nobo a yega rápido na e sítio, pero no por a
evitá ku e kas a kima kompletu.
Despues di a kombatí e kandela i tabata posibel pa polis i personal di brantwer drenta
paden, nan a bin topa den un di e kambernan di e kas, kurpa sin bida di un hòmber.
For di investigashon a sali na kla ku e viktima ta un persona desabilitá.
Tres kachó i para tambe a muri debí na e kandela.
Dòkter di polis a konstatá morto di e hòmber habitante.
E identidat di e víktima ta konosí pa polis, pero lo divulgá esaki manera ku e proseso di
rekonosimentu dor di famia tuma lugá ofisial.
Riba òrdu di fiskal di Ministerio Públiko a konfiská e kurpa sin bida pa mas investigashon.
Kousa di e kandela ta bou di investigashon.
