Apelashon pa atendé ku famia ku mester di yudansa.
KOMUNIKADO DI PRENSA 263/2023.
8 yüni 2023.
Apelashon pa atendé ku famia ku mester di yudansa.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kuerpo Polisial ta hasi un apelashon na komunidat, pa prinsipalmente famia di personanan
di edat òf ku ta desabilitá i ku ta biba nan so, pa duna atenshon speshal na e personanan
aki.
Ta di lamentá ku ya pa e aña aki so, nos tin tres kaso separá, kaminda ku habitantenan di
edat òf desabilitá ku ta dependé di otronan pa move, ta fayesé den nan kas durante di
kandela.
E situashon aki ta unu di gran preokupashon i doló pa kuerpo i tambe pa otro instansianan
ku mester brinda yudansa, ya ku den mayoria kaso mester kuminsá kombatí e kandela,
promé ku por drenta un bibienda pa kuminsá reskatá hende i nan animalnan.
Den e situashonnan asina, kada sekònde ta importante pa por logra saka un hende na bida
for di e situashon di peliger ku e ta aden.
P’esei polis ke hasi un yamada na tur famia ku tin hende grandi of personanan desabilitá ku
sea ta biba nan so òf ku pa sierto parti di dia mester keda nan so na kas, pa tuma e
medidanan nesesario.
Sea laga un persona keda serka nan pa tira bista i yuda den kasonan di emergensia òf hiba
nan temporalmente na un sítio, unda tin otro persona ku por tin atenshon pa nan.
Nos ta spera ku kada persona yamá lo sa di asumí su responsabilidat, teniendo den mente e
dicho di nos grandinan ku ta bisa: “kandela no ta kome i sobra”
