Departamentonan polisial por lo pronto lo no ta alkansabel via telefòn.

KOMUNIKADO DI PRENSA 276 / 2020
20 yüli 2020
Departamentonan polisial por lo pronto lo no ta alkansabel via telefòn.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Debí na un desperfekto ku a surgi den e sentral di telefòn di KPC, te ku un próksimo aviso,
departamentonan i wardanan di polis, ku eksepshon di e liñanan 911 i 917, lo no ta alkansabel
telefónikamente.
Téknikonan ta trahando duru riba e fayo aki i ta spera ku den próksimo dianan, gradualmente lo
pone e diferente liñanan bek riba ret.
Ta sugirí siudadanonan ku ke drenta den kontakto ku un departamento di polis, pa manda un mail
na bureau.communicatie@polis.cw, den kaso ku bo no sa e e-mail adrès di e departamento.
Por mail e wardanan di polis tambe direktamente na nan propio e-mail adrès.
Den kasonan di emergensia por sigui yama e number 911 normal òf 917 pa otro kasonan polisial
ku no ta di urgensia.
Kuerpo Polisial ta pidi su diskulpa pa e inkumbiniensia ku e situashon aki por trese kuné i ta spera ku
pronto lo por sigui duna e servisio via di telefòn atrobe.
Komunidat ta keda gradisí pa e komprenshon.