E bishita di trabou na fin di luna di mei di e Minister pa Protekshon Hurídiko sr Franc Weerwind na Boneiru, despues di a sera konosí ku gezaghèber interino Nolly Oleana, a ranka sali ku un kòmbersashon konstruktivo ku Kolegio Ehekutivo. E liña prinsipal den e kòmbersashon akí tabata posibel medidanan i solushonnan pa un mihó akseso na derecho hurídiko, prevenshon di kriminalidat hubenil i BIBOB Hulanda Karibense.

Akseso na derecho hurídiko ta pidi pa un fasilidat di promé liña den forma di un lokèt hurídiko. E lokèt hurídiko ta sòru pa hendenan haña informashon na un manera fásil alkansabel tokante nan derechonan i obligashonnan, pero e ta un sitio tambe kaminda hendenan por akudí ku nan preguntanan, di manera ku nan no tin mester di aserká un abogado mesora. A base di un proyekto di prueba na Saba a akumulá informashon pa un senario básiko. Den e senario básiko akí nan a formulá den liñanan grandi kon e lokèt mester lusi, kua ta e funshonalidatnan ku e mester tin, i pa kua grupo di enfoke e ta intenshoná. A tene kuenta tambe ku e nesesidatnan i konteksto di nos islanan i kua ta e ròl ku e lokèt hurídiko for di Hulanda por hunga den esaki. E siguiente paso, ku a deliberá tambe tokante di dje ku e minister, ta e elaborashon práktiko di e dunamentu di ayudo hurídiko di promé liña na Hulanda Karibense.

Banda di legislashon i regulashon, protekshon hurídiko tambe ta un tópiko pa instansianan ku tin relashon ku derecho hurídiko, manera konseho di tutela (voogdijraad), Instituto Hudisial Hulanda Karibense (JICN) i rehabilitashon sosial (reclassering). E minister a bishitá e instansianan akí i tambe e proyekto di prevenshon “Abo só ta disidí” di Jong Bonaire. E konosementu ku e minister a optené na Boneiru, e ta bai kompartí ku Ministerio di Hustisia pa di e manera akí determiná pasonan di kontinuashon i traha riba e solushonnan deseá ku a keda palabrá pa Boneiru.

Het werkbezoek eind mei van Minister voor Rechtsbescherming, dhr. Franc Weerwind op Bonaire is na de kennismaking met waarnemend gezaghebber Nolly Oleana van start gegaan met een constructief gesprek met het bestuurscollege. Leidend voor het gesprek zijn mogelijke maatregelen en oplossingen voor een verbeterde toegang tot het recht, preventie jeugdcriminaliteit en BIBOB Caribisch Nederland.

Toegang tot het recht vraagt om een eerstelijnsvoorziening in de vorm van een juridisch loket. Het juridisch loket zorgt ervoor dat mensen op een laagdrempelige manier geïnformeerd worden over hun rechten en plichten, maar kunnen daar ook terecht met hun vragen waardoor ze niet meteen aangewezen zijn op advocaten. Vanuit een pilot op Saba is er input vergaard voor een basisscenario. Hierin staat op hoofdlijnen hoe het juridisch loket eruit moet komen te zien, welke functionaliteiten het moet hebben en voor welke doelgroep het bedoeld is. Daarbij is rekening gehouden met de behoeften en context van de eilanden en welke rol het juridisch loket vanuit Nederland hierin kan zijn. De volgende stap, die ook is besproken met de Minister, is de praktische uitwerking van de eerstelijns rechtshulpvoorziening Caribisch Nederland.

Naast wet- en regelgeving is ook rechtsbescherming een topic voor aan het recht gerelateerde instanties zoals de voogdijraad, Justitiële Inrichting Caribisch Nederland en de reclassering. De minister heeft deze instanties bezocht als ook het preventieproject “alleen jij bepaalt” van Jong Bonaire. De inzichten verkregen op Bonaire worden gedeeld met Ministerie van Justitie om zodoende vervolgstappen te bepalen en gevolg te geven aan de besproken gewenste oplossingen voor Bonaire.