KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Minister Shalten Hato ORDENANSA NASHONAL DI MODÈL A WÒRDU APROBÁ DEN STATEN

Minister Shalten Hato

ORDENANSA NASHONAL DI MODÈL A WÒRDU APROBÁ DEN STATEN
Awe Parlamento Di Korsou a trata i aprobá e Ordenansa Nashonal di Modèl, kual lo ta e base legal pa un servisio nobo ku Ofisina pa Propiedat Intelektual di Kòrsou lo ta enkargá kune. Ofisina pa Propiedat Intelektual ta un entidat públiko independisá ku ta resortá bou di responsabilidat polítiko di Minister di Hustisia, sr Shalten Hato.
Pa medio di e Ordenansa aki readornan di diseñonan nobo, lo haña un derechi eksklusivo pa hasi negoshi ku e aparensia nobo ku nan a kreá di e produkto.
E lei ta eksigí pa un diseñadó haña e derechi di modelo, ku e aparensia ku e la krea mester ta nobo i mester tin un propio karakter. Nobo ta nifiká ku e modelo no tabata konosí niun kaminda promé i ni niun otro modelo idéntiko no a ser entregá pa protekshon promé ku esun di e diseñadó.
Un karakter propio ta nifiká ku e impreshon ku e modelo di e diseñadó ta duna na esnan ku konosé e materia, mester ta diferente for di lokual ta eksistí kaba. Esun ku konosé e materia mester por mira algun aspekto di diferensia entre e modelo nobo i esunnan ku ya tabata eksistí anteriormente.
E maneho di e lei lo ta na enkargo di Ofisina pa Propiedat Intelektual, kaminda tur petishon pa protekshon mester keda entregá. E lei lo duna tambe trabou na personanan ku por traha komo apoderadó i representá interesnan di klientenan ku tin nesesidat pa representashon den asuntunan relashoná ku protekshon di modelo.
Por último e lei ta krea e posibilidat pa den un futuro, ku nos ta spera lo ta serkano, e posibilidat pa registrashon internashonal di modelo por drenta na vigor. Esaki lo hasi posibel pa siudadanonan di Kòrsou por haña protekshon pa ku e derechi di modelo mas fásil den diferente otro pais, pero tambe ku estranheronan lo por pidi protekshon internashonal di e derechi di modelo pa e teritorio di Kòrsou mas fásil.

 

 

Leave a Reply

This site uses Akismet to reduce spam. Learn how your comment data is processed.