ANOCHI DI INFORMASHON PA PRODUKTORNAN DI SINE

 

Djaluna dia 17 d yüni awor:

ANOCHI DI INFORMASHON PA PRODUKTORNAN DI SINE

 

WILLEMSTAD – E organisashon di Krioyo Film Festival, ta hasi un invitashon na tur produktornan di sine na Kòrsou, pa un reunion informativo relashoná ku e Promé edishon di Krioyo Film Festival 2024 ku lo tuma lugá na luna di òktober próksimo.

Manera ta konosí, na luna di òktober awor, Kòrsou lo bai konosé su Promé Krioyo Film Festival, kual ta un siman di pelíkula na papiamentu den Caribbean Cinema na Sambil.

E invitashon ta bai na tur produktornan, pero tambe esnan ku ta interesá den  produkshon, inkluso prinsipiantenan den mundu di pelíkula, pa nan ta presente djaluna dia 17 di yüni awor. E anochi di informashon aki ta kuminsá 6 pm i lo finalisá 8 pm den Entrepreneurs Area na Sambil.

Pa mas informashon por yama o app na 655-3637 i esnan interesá  por follow Krioyo FIlm Festival su Facebook page, kaminda tin hopi mas detaye.

Nos ta spera un bon asistensia djaluna awor rumbo pa un evento grandi pa Kòrsou ku ta e promé edishon di Krioyo Film Festival.

 

Krioyo Film Festival