Kontinuashon Siklo di Charla riba Tema Sikológiko na Sentro di bario Souax  

Fundashon Pro Souax ta anunsiá ku djamars 18 di yüni próksimo lo tin e siguiente charla di e siklo di charla riba “Temanan Sikológiko”.
Meta di e charlanan aki ta pa duna informashon i di e forma aki, hasi habitantenan di Souax i bisindario i tambe otro interesadonan mas konsiente di importansia di kuido di nan salú mental pa logra bienestar emoshonal, sikológiko i sosial balansá.
E charlanan ta na enkargo di e konosido sikólogo drs. Vivian Lucia i lo ta grátis..
Durante e charla di 18 di yüni próksimo e sikólogo lo trata e tópiko:

”ASPEKTONAN SIKOLÓGIKO I MENTAL DI MENOPOUSA”.

Lo tin amplio oportunidat pa hasi pregunta  i un i tur ta keda kòrdialmente invitá pa bin skucha informashonnan importante riba e tópiko aki.

                                                        Charla riba TEMA SIKOLOGIKO

Tópiko   : ”ASPEKTONAN SIKOLÓGIKO I MENTAL DI MENOPOUSA”.

Oradó   : SIKOLÓGO Sra. Vivian Lucia

Dia        : Djamars 18 di YÜNI 2024

Ora        : Shet’or pa mitar di nuebe di anochi  (19.00 – 20.30)

Lugá      : Sentro di bario Souax                           

Entrada  : GRATIS