PREPARASHONNAN TA KONTINUÁ PA GOLD CUP 2023! NOS SELEKSHON TA NA MIAMI PA SIGUI PREPARÁ!
PREPARASHONNAN TA KONTINUÁ PA GOLD CUP 2023!
NOS SELEKSHON TA NA MIAMI PA SIGUI PREPARÁ!
Gran parti di nos selekshon a biaha djabièrnè último pa Miami pa kontinuá ku e preparashonnan pa nos próksimo partidonan di Gold Cup 2023 ku lo tuma lugá na Merka den luna di yüni 2023. Nos selekshon a yega bon i ta tin su promé seshon di training den stadion Inter Miami kaminda djamars binidero nos lo topa Puerto Rico durante un partido di fogeo ku lo fungi komo preparashon pa nos partido di kualifikashon pa Gold Cup 2023. Awe i mañan e delaster hungadónan lo yega Miami pa djòin nos selekshon i sigui ku demas entrenamentunan.
Nos promé partido di kualifikashon lo tuma lugá djabièrnè, 16 yüni 2023 kaminda nos selekshon nashonal lo enfrentá St. Kitts & Nevis den DRV PNK Stadium.
Despues ku nos entrenadó sr. Remko Bicentini i su staf tékniko a presentá e lista di hungadónan ku lo forma parti di nos selekshon, awor nos ta publiká un lista adaptá ku e 23 hungadónan ku lo representá Kòrsou durante nos kompromisonan di Gold Cup 2023. Esaki despues ku lamentablemente vários hungadó a kai afó debí na leshon òf motibunan personal.
E siguiente hungadónan lo forma parti di e selekshon pa e partidonan di Gold Cup 2023;
- Godfried Roemeratoe
- Juninho Bacuna
- Leandro Bacuna
- Eloy Room
- Vurnon Anita
- Jafar Arias
- Kevin Felida
- Gervane Kastaneer
- Sherel Floranus
- Brandley Kuwas
- Rangelo Janga
- Jürgen Locadia
- Joshua Zimmerman
- Giovanni Troupée
- Rhu-Endly ‘Cuco’ Martina
- Trevor Doornbusch
- Shanon ‘Cheese’ Carmelia
- Juriën Gaari
- Tyrick Bodak
- Bradly Martis
- Nathangelo Markelo
- Shermar Martina
- Gevaro Nepomuceno
Tiki tiki pero sigur e ora 0 ta yegando i nos selekshon ta sigui prepará pa representá nos isla dignamente durente nos próksimo kompromisonan di Gold Cup 2023.
Keda pendiente pa mas informashon…
