Video Polis ta pidi koperashon den kaso di ladronisia.
KOMUNIKADO DI PRENSA 265/2023.
9 yüni 2023.
Polis ta pidi koperashon den kaso di ladronisia.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Dia 30 di yanüari di e aña aki alrededor di 4’or di mardugá a tuma lugá un kaso di ladronisia
na un adrès na Kaminda Willem J. Cratz na Montaña.
Tres sospechoso a trata na bai ku dos raptor for di kurá di un kas, pero finalmente a logra di
bai ku solamente un di nan.
Dos di e sospechosonan aki a fòrsa e porta di kurá ku ta sera i habri pa medio di motor (esta
via ‘remote control’).
Nan a hisa e porta di kurá i tiki tiki tabata skuif esaki habri, sufisiente ku por a saka un di e
raptornan pafó.
Polis ta hasi pa medio di e komunikado aki e petishon, pa kualke siudadano ku por tin
informashon tokante di e ladronisia aki òf ta rekonosé un òf mas di e sospechosonan ku ta
aparesé riba e video athunto, pa tuma kontakto ku polis na 917, e liña anónimo 108 òf por
yama tambe e departamentu ku ta investigá ladronisia di vehíkulo na 7246229/7246230.
Alabes polis ta hasi un súplika na esnan ku tin un porta di kurá ku ta traha ku motor, pa
pone un klèm parti ariba di e porta, pa evitá ku esaki ta keda ku hopi espasio pa move di
ariba bai abou, ku konsekuensia ku e por wòrdu saká fásil for di riel.
