Komprometé ku nos atletanan lokal i vishon di e marka: YDK ta firma akuerdo di 3 aña ku Curaçao Baseball Federation

Komprometé ku nos atletanan lokal i vishon di e marka:

YDK ta firma akuerdo di 3 aña ku Curaçao Baseball Federation

 

WILLEMSTAD: Djabièrnè último YDK a firma un akuerdo ku Curaçao Baseball Federation (FeBeKo) pa produsí i distribuí e pèchi ofisial di e tim nashonal di baseball. E propósito di e akuerdo ku FeBeKo ta pa sostené nos atletanan lokal i den esaki lanta interes internashonal pa e marka YDK. Ademas, bisti kualke item di YDK mester ta símbolo di orguyo i ta sigur ku e akuerdo ku FeBeKo ta únikamente añadí na esaki.E pèchinan lo ta eksklusivamente optenibel na Changes i The Athlete’s foot entrante 16 di yüni benidero i pronto via www.ydkclothing.com

 

YDK komo marka a bin ta krese inmensamente durante di e último añanan; nos mes hendenan ta enkantá ku su stail. YDK no ta pa identifiká un nashonalidat solamente; e ta un vibrashon, sentimentu i estilo. E diseñonan trendy, su bon kalidat  di pèchi, shirt i shòrt nunka a desapuntá e fanátiko. Desde inisio di su kreashon a keda fiel na kalidat di e produkto. YDK su logo lo paresé riba e pèchi i huntu ku e tim nashonal di baseball di Kòrsou ta eksportá e marka aki pa mundu henter. E akuerdo lo ta vigente te ku 2026. Ademas di e tim nashonal di baseball, den pasado YDK a duna su aporte na diferente otro tim deportivo i atletanan lokal, kual sin duda ta añadí na su balor komo marka den merkado.

 

Riba foto athunto momentu ku YDK a firma akuerdo ku Curaçao Baseball Federation.