RESULTADONAN DI EFO 2023
MINISTERIO KONSERNÍ ENSEÑANSA, SIENSIA, KULTURA & DEPORTE
RESULTADONAN DI EFO 2023
PUBLIKÁ RIBA 13 YÜNI 2023
Resultadonan di Pruebanan Final pa Enseñansa di Fundeshi (EFO) pa aña eskolar 2022/2023
WILLEMSTAD – Ministerio di Enseñansa, Siensia, Kultura i Deporte (ESKD) ta informá ku e resultadonan pa aña eskolar 2022/2023 di e Eindtoets Funderend Onderwijs (EFO) a keda entregá na tur Direktiva di Skolnan. Un total di 1696 alumno a pasa e pruebanan di EFO. Un kantidat di 85 alumno a bai AGO, 477 alumno a bai HAVO i 1106 alumno a bai VSBO.
E trayekto di EFO a keda kordiná pa Sektor di Enseñansa i Siensia den estrecho kooperashon ku Direktiva di Skolnan i Sentro di Expertisia
pa Èksamen i Pruebanan. Di un forma digital i elektróniko konforme e norma i kriterionan a prosesá e informashon di kada alumno kaminda ta salbaguardiá e informashon i seguridat di datos pa yega na e resultadonan verídiko.
Ministerio di ESKD por mira bèk riba un trayekto di EFO eksitoso kaminda huntu ku tur Direktiva di Skol a traha i yega na e resultadonan final aki. Den transkurso di e dianan aki tur alumno i mayor ta haña resultadonan personal di kada alumno.

