KOMUNIKADO DI PRENSA 276/2023.
13 yüni 2023.

Dos detenshon relashoná ku ladronisia.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 13 di yüni 2023, alrededor di 12.58’or, Sentral di Polis a risibí un notifikashon di un
kaso di ladronisia ku ta tabata tumando lugá na un kas riba Cubaweg.
Mesora a dirigí un unidat na e sítio.
Na yegada di e unidat el a sorprendé dos hòmber sospechoso, net na momentu ku nan
tabata kometé e ladronisia.
A logra detené un di e dos sospechosonan i e otro sospechoso a logra hui.
Despues di un búskeda den e área polis a señalá un vehíkulo den kua tabatin un hòmber
sintá, wardando riba e dos sospechosonan.
For di e investigashon preliminar a sali na kla ku dos sospechoso mester a kibra drenta den
e kas via di un bentana.
Na e sitio a detené e hòmbernan sospechoso J.M.T., di 28 aña di edat i W.F.W., di 58 aña
di edat ámbos nase Kòrsou.
A konfiská e vehíkulo, pertenensianan prosedente di e ladronisia i artíkulonan ku ta di
importansia pa e investigashon.
A presentá ámbos sospechoso dilanti di un fiskal ouksiliar ku a ordená nan enkarselamentu
pendiente di mas investigashon.