KOMUNIKADO DI PRENSA 285/2023.
18 yüni 2023.

Kaso di maltrato serio.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 17 di yüni 2023 alrededor di 08.25’or, Sentra di Polis a dirigí un unidat di Punda pa
Versailleweg pa un kaso di maltrato.
For di informashon preliminar ku polis a logra kompilá, a sali na kla ku dos hòmber a yega
na un kas i a baha for di nan vehíkulo. Despues di un interkambio kòrtiku ku e dama ku ta
biba na e kas ei, un di e hòmbernan lo a maltratá un otro hòmber ku ta habitante di e kas
en kestion.
Durante di e agreshon aki, e habitante a risibí sla na wowo, skouder i posiblemente fraktura
na su nanishi.
Na un kas djis den e área ei tambe tabatin un otro persona ku a keda agredí i heridá.
Tabata nesesario pa ambulans a yega na e sítio pa a transportá e víktimanan pa C.M.C.
Na yegada di polis, ya e sospechosonan a bai for di e sítio.
Investigashon den e kaso aki ta kontinuá