Resultado Final “Miss World Curacao 2023”
Djasabra ùltimo den Marjorie’s Party Palace a tuma lugá sertámen di “Miss World Curaçao 2023. Partisipantenan na e sertámen a destaká di un forma tremendo, pa asina a hasi e anochi aki unu eksitoso. E públiko presente por a disfrutá di un show na nivel ku un koreografia espektakular kombina ku e tremendo grupo di baile The Explosion Dancers, bou di direkshon di e koriografo Venezolano Jose Gregorio Gonzalez. E maestro nan di seremonia Merietza Hakmaat i Rignald Maduro a sa di laga e show kana “smoot” segun e orario stipula. E anochi a kontá ku presentashon di e hóben kantantenan Anthony Pietersz i Stevens Daniel kual a duna un tremendo presentashon na agrado di e pùbliko.
E partisipantenan tabatatin un presentashon tur afó i a duna un bataya hopi fuerte ku a hasi e trabou di e huradonan hopi difisil.
Finalmente e kuerpo di hurado a yega na un desishon final despues di e tres presentashonnan ofisial, kualnan tabata trahe unifoma, baño i gala. Tabata Shubrainy Dams kende a keda koroná “Miss World Curaçao 2023”. Prome finalista a resulta Giömy Klepper i segunda finalista Angela Peralta.