KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

SDKK ta hasi reapertura di su Kapèl.

Willemstad: Resientemente Sentro di Detenshon i Korekshon Kòrsou (SDKK) a hasi reapertura di su Kapèl renobá.
Despues di un temporada di renobashon di e Kapèl, ku koperashon di varios Iglesianan lokal, a bolbe pone e kapel di prizòn aksisesibel pa tur kliente, religion i denominashon.
Na okashon di e apertura di Kapèl, sr.Marlon Jamanika komo Guia Spiritual di SDKK konhuntamente ku algun kliente a organisá e programa, kaminda tur presente por a disfrutá di varios talento i presentashon tambe tabata tin testimonio, alabansa i gradisimentu na Dios.
Durante e seremonia aki a hiba palabra direktor suplente sr.Richenald Ricardo i varios pastor di diferente denominashon tantu di Kòrsou i Hulanda tambe a hiba palabra i 3 pastor a konsagrá e Kapèl renobá di prizòn.
E meta di e Kapèl ta: Guia tur klientenan di SDKK, pa studia i biba e palabra di Dios i tambe diskubrí talento i abilidat di klientenan ku por wòrdu usa tantu den prizòn òf ora ku nan rekobra libertat.
Gerensia di SDKK kier a gradisí, tur e iglesianan ku a koperá pa ku e renobashon di e Kapèl i tambe na tur e klientenan ku tambe a duna un aporte na esaki. Siguramente nos lo sigui hasi lo maksimo pa e parti spiritual keda sentral den nos instituto SDKK.

Leave a Reply

This site uses Akismet to reduce spam. Learn how your comment data is processed.