Pronóstiko di tempu pa Kòrsou i bisindario bálido te djaweps mainta 06:00 o.l., 22 di yüni 2023.
Pronóstiko
Pronóstiko di tempu pa Kòrsou i bisindario bálido te djaweps mainta 06:00 o.l., 22 di yüni 2023.
Kompilá: djárason 21 di yüni 2023, 05:00 o.l. (09:00 UTC).
Tempu: Tiki te parsialmente nublá ku un wer generalmente seku. Bientu lo supla de bes en kuando fuerte.
Temperatura máksimo lo alkansá 32ºC i temperatura mínimo 27ºC.
Solo ta sali 06:12 i ta baha 19:03 o.l.
Bientu: For di ost i moderá; forsa 4 te 5 (20 te 39 km/ora, 11 te 21 nudo). Ráfaga, de bes en kuando fuerte; forsa 6 (40 te 50 km/ora, 22 te 27 nudo).
Situashon general: Kondishon atmosfériko lo sigui stroba desaroyo di nubianan signifikante den nos region, esaki dor di stabilidat i un humedat limitá, asosiá ku sistema di un preshon haltu. Pa e motibu aki, kondishon di tempu lo permanesé generalmente seku riba nos isla durante di awe. Sin embargo, un ola tropikal moviendo den direkshon west, lo por kondusí na un oumento di nubia ku un poko mas posibilidat pa un áwaseru lokal den transkurso di mañan. Tambe ta premirá presensia leve di santu di Sahara den nos área.
Kondishon di laman: Por lo general moderá ku altura di olanan entre 1 i 2 meter (3 i 6 pia).
Sistemanan signifikante di wer tropikal: Tormenta tropikal Bret ta move wèst riba Atlántiko pariba di e region den ost Karibe. Ta premirá ku durante djaweps e siklon lo alkansá e islanan den ekstremo ost di Karibe. E último boletin ta indiká ku Bret su intensidat lo sigui oumentá un tiki te ku mañan i kuminsá disminuí durante djabièrnè. Entretantu, Kòrsou na e momentu aki den e pronóstiko, ta keda pafó di e kono di Bret su trayektoria. Tambe ta pronostiká ku despues ku Bret pasa nos, e lo pèrdè forsa i bira un depreshon tropikal. Departamento Meteorológiko Kòrsou lo sigui monitoreá desaroyo di tormenta tropikal Bret di aserka i lo drenta den un fase di informashon (kódigo hel) si esaki ta nesesario.
Fenómeno spesial: Ningun
Perspektiva te djabièrnè mainta: Parsialmente nublá i chèns pa áwaseru lokal.
Meteorólogo: Vrutaal.