Pronóstiko di tempu pa Kòrsou i bisindario bálido te djaweps mainta 06:00 o.l., 29 di yüni 2023.

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 29 di yüni 2023.
Kompilá: djarason 28 di yüni 2023, 05:00 o.l. (09:00 UTC).

Tempu: Parsialmente te hopi nublá ku algun áwaseru lokal kompañá pa posibel welek i bos.

Temperatura máksimo lo alkansá 32ºC i temperatura mínimo 26ºC.
Solo ta sali 06:14 i ta baha 19:04 o.l.

Bientu: Generalmente ost i moderá; forsa 3 te 4 (12 te 30 km/ora, 7 te 16 nudo). De bes en kuando basta fuerte den ráfaga forsa 5 (31 te 39 km/ora, 17 te 21 nudo).

Situashon general: Durante di próksimo 24 ora, un ola tropikal situá riba parti oriental di Laman Karibe ta sigui move den un direkshon wèst i ta hasi kondishon atmosfériko gradualmente mas faborabel pa desaroyo di nubianan signifikante riba nos region. Algun di e nubianan aki lo generá momentunan di áwaseru ku posibel welek i bos riba partinan di nos isla, prinsipalmente durante oranan di mainta. Mas aleu, ta antisipá ku bientu lo bira gradualmente ménos durante awe.

Kondishon di laman: Trankil te moderá ku altura di olanan entre 0.5 i 1.5 meter (2 i 5 pia).

Sistemanan signifikante di wer tropikal: Ningun.

Fenómeno spesial: Ningun.

Perspektiva te djabierne mainta: Parsialmente te hopi nublá ku chèns pa algu di áwaseru lokal.

Meteorólogo: Abraham.