Minister di Hustisia a kontestá preguntanan relashoná ku ‘Situashon di Stichting Gezinsvoogdij’ i ‘Instrukshon Polisial Kòrsou’

Parlamento di Kòrsou

Minister di Hustisia a kontestá preguntanan relashoná ku ‘Situashon di Stichting Gezinsvoogdij’ i ‘Instrukshon Polisial Kòrsou’, durante di Ora di Pregunta (Vragenuur) den sala di Parlamento.
Djaweps 29 di yüni 2023, Minister di Hustisia, sr. Shalton Hato, a presentá den sala di Parlamento den un enkuentro públiko, pa kontestá preguntanan relashoná ku ‘Situashon di Stichting Gezinsvoogdij’. E preguntanan relashoná ku e tópiko aki, a keda hasí dor di Miembro di Parlamento sra. Giselle Mc William, na nòmber di sr. Steven Martina.
Miembro di Parlamento Sr. Gibi Doran, a hasi preguntanan en konekshon ku ‘Instrukshon Polisial Kòrsou (ambst-/geweldsinstructie).
Despues di e kontestanan, vários Miembro di Parlamento a hasi un pregunta adishonal, ku seguidamente e minister di Hustisia a kontestá.