GRAN FINAL DI KAMPIONATO HUBENIL 22-23 PA KATEGORIA U-13 LIGA 1! 30 DI YÜNI DEN STADION RIGNAAL ‘JEAN’ FRANCISCA!
GRAN FINAL DI KAMPIONATO HUBENIL 22-23 PA KATEGORIA U-13 LIGA 1!
30 DI YÜNI DEN STADION RIGNAAL ‘JEAN’ FRANCISCA!
Despues ku tur kategoria di Kampionato Hubenil 22-23 a yega na su final, djabièrnè 30 di yüni 2023 e último partido pa e temporada aki lo tuma lugá. E final di kategoria U-13 liga 1 lo mira akshon pa 7’or anochi den Stadion Rignaal ‘Jean’ Francisca.
Kampionato Hubenil a inisiá na sèptèmber 2022 ku un total di 23 ekipo den kategoria U-13 ku tur wikènt tabata hunga na diferente tereno for di Banda ‘Riba te Banda ‘Bou.
Durante e wikèntnan tras di lomba nos a mira finalnan di tur kategoria ku esepshon di kategoria U-13 liga 1. Un partido ku lamentablemente no a mira akshon ainda debí na un protesta. Awor ku e desishon a bira konosí, por fin e hungadónan di Inter Willemstad i C-Stars United lo enfrentá otro durante e gran final di kategoria U-13 liga 1, pa nos klousurá e kampionato 22-23.
Skema partido final;
| 30 yüni 2023 | |||||
| Stadion | Kategoria | Tim 1 | v/s | Tim 2 | U-13 |
| RJF | Liga 1 (U13) | Inter Willemstad | v/s | C-Stars United | 19:00 |
Komishon Hubenil ta deseá Inter Willemstad i C-Stars United éksito ku e partido final pa kategoria U-13 liga 1 di Kampionato Hubenil!
Un invitashon ta bai na pueblo di Kòrsou kompletu pa bin apoyá bo ekipo preferí durante e delaster partido di Kampionato Hubenil 22-23…kòrda ku e partido aki ta grátis!
29 yüni 2023
