Pronóstiko di tempu pa Kòrsou i bisindario bálido te djárason mainta 06:00 o.l., 5 di yüli 2023.

Pronóstiko

Pronóstiko di tempu pa Kòrsou i bisindario bálido te djárason mainta 06:00 o.l., 5 di yüli 2023.
Kompilá: djamars 4 di yüli 2023, 05:00 o.l. (09:00 UTC).

Tempu: Parsialmente te hopi nublá ku algun áwaseru lokal.

Temperatura máksimo lo alkansá 32ºC i temperatura mínimo 25ºC.
Solo ta sali 06:16 i ta baha 19:05 o.l.

Bientu: Generalmente ost i moderá; forsa 3 te 4 (12 te 30 km/ora, 7 te 16 nudo). Prinsipalmente den áwaseru, de bes en kuando basta fuerte te fuerte den ráfaga; forsa 5 te 6 (31 te 50 km/ora, 17 te 27 nudo).

Situashon general: Durante di próksimo 24 ora, un ola tropikal situá riba parti oriental di Laman Karibe ta hasi kondishon atmosfériko faborabel pa desaroyo di algun nubia signifikante riba nos region. E nubianan aki lo generá momentunan di algun aktividat di áwaseru riba vários parti di nos isla. Mas aleu, durante di awenochi pa mañan mainta, áwaseru mas fuerte por bai kompañá pa welek i bos. Tambe forsa di bientu lo oumentá durante di mañan.

Kondishon di laman: Trankil te moderá ku altura di olanan entre 0.5 i 1.5 meter (2 i 5 pia).

Sistemanan signifikante di wer tropikal: Ningun.

Fenómeno spesial: Ningun.

Perspektiva te djaweps mainta: Parsialmente nublá i prinsipalmente seku.

Meteorólogo: Rombley