KOMUNIKADO DI PRENSA 310/2023.
5 yüli 2023.

Aksidente di tráfiko ku morto.

Departamentu di Komunikashon i Prevenshon
KUERPO POLISIAL KÒRSOUvSIRBI I PROTEHÁ

Djamars 4 di yüli 2023 alrededor di 19.46’or, Sentral di Polis a dirigí un unidat pa Kaya Hose
“Papa” Liberia, pa un aksidente di tráfiko ku a tuma lugá den kua tabatin un siklista
gravemente heridá.
Na yegada di e unidat el a bin topa un aksidente entre un outo di famia i un baiskel.
Ambulans ku a presentá na e sitio no por a hasi nada mas pa e siklista debí na múltiple
leshon ku el a risibí.
For di investigashon preliminar a sali na kla ku shofùr di e outo di famia tabata kore riba
Kaya Hose “Papa” Liberia den direkshon di Porta Blanku i na dado momentu a dal kontra di
un baiskel ku tabata kore su dilanti den e mesun direkshon.
Na e sitio polis a detené shofùr di e outo pa manehá un vehíkulo bou di influensia di
alkohòl.
Dòkter di polis ku tambe tabata presente a konstatá morto di e hóben Giomar Raphael
Hellemun, nasé na Kòrsou, dia 14 di mart 2008.