KOMUNIKADO DI PRENSA 316/2023.
9 yüli 2023.

Pareha detené pa maltrato i destrukshon

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 8 di yüli 2023 alrededor di 21.14’or, Sentral di Polis a dirigí un unidat pa un adrès
na Esperanzaweg, pa un problema relashonal.
Na yegada di e unidat, e dama a konta polis ku algun ratu promé e tabatin un diskushon ku
su partner i e partner a bira agresivo, kibra varios kos den kas i morde e dama.
E hòmber ku tambe tabata na e sítio, a atmití loke ku e dama a konta i deklará alabes ku e
dama tambe a mord’é na su dede.
Polis a detené tantu e hòmber P.J.E. di 34 aña di edat pa maltrato i destrukshon komo e
dama D.F. di 31 aña di edat, pa maltrato. Ambos sospechoso ta nase na Haiti.
A presentá e duo dilanti di un fiskal ouksiliar, ku despues di interogashon a ordená
enkarselamentu di e hòmber, mientras ku e dama a keda lagá den libertat.