Hòmber heridá pa arma di kandela.
KOMUNIKADO DI PRENSA 320/2023.
10 yüli 2023.
Hòmber heridá pa arma di kandela.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 9 di yüli 2023 alrededor di 22.51’or, Sentral di polis a dirigí un unidat pa un
adrès na Montaña Rey pa un hòmber ku a risibí herída di bala for di arma di kandela.
Na yegda di e unidat, el a bin topa bèrdat ku un hòmber ku herída di bala na altura di su
barika.
For di investigashon preliminar a sali na kla ku un hòmber lo a bai mustra un otro un arma
di kandela i na e momentu ei un bala a sali for di e arma i alkansá e víktima na altura di su
barika.
Ku ambulans a transportá e víktima pa Sala di Emergensia di C.M.C. pa tratamentu médiko.
Te na e momentunan aki no a hasi detenshon i no a logra di konfiská e arma di kandela.
E kaso ta sigui den investigashon.
