Pronóstiko di tempu pa Kòrsou i bisindario bálido te djamars mainta 6:00 o.l., 11 di yüli 2023.

Pronóstiko

Pronóstiko di tempu pa Kòrsou i bisindario bálido te djamars mainta 6:00 o.l., 11 di yüli 2023.
Kompilá: djaluna 10 di yüli 2023, 05:00 o.l. (09:00 UTC).

Tempu: Shelu ta parsialmente nublá ku presensia di santu fini for di Sahara. Awe no ta premirá áwaseru di importansia, miéntras mayan lo tin mas nubia ku posibilidat di algun áwaseru.

Temperatura máksimo lo alkansá 32ºC i temperatura mínimo 28ºC.
Solo ta sali 06:17 i ta baha 19:05 o.l.

Bientu: Por lo general ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando fuerte; forsa 6 (40 te 50 km/ora, 22 te 26 nudo).

Situashon general: Un sistema di preshon haltu riba Atlántiko ta ekstendé riba e sekshon ost di Karibe i ta influensiá e tempu den área di nos isla. Adishonalmente, ambiente relativamente seku huntu ku un kapa di santu di Sahara riba e region lo resultá den un wer prinsipalmente seku. Ademas e bientu ta de bes en kuando un poko fuerte i lo sòru pa e kondishon di laman habrí keda moderá.

Kondishon di laman: Moderá ku altura di olanan entre 1 i 2 meter (3 i 6 pia). E olanan di mas haltu ta riba laman habrí i generalmente na nort.

Sistemanan signifikante di wer tropikal: Ningun.

Fenómeno spesial: Ningun.

Perspektiva te djárason mainta: Ounke e shelu ta kontinuá basta nublá, e posibilidat pa awa kai lo mengua progresivamente.

Meteorólogo: Coffie