KOMUNIKADO DI PRENSA 330/2023.
12 yüli 2023.

Detenshon relashoná ku ladronisia.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Relashoná ku ladronisia na un establesimentu den Saliña Abou ku a tuma lugá dia 9 di yüli
2023, polis a realisá un detenshon.
Kontinuando ku e investigashon, djamars 11 di yüli 2023 alrededor di 19.10’or, riba òrdu di
Fiskal di Ministerio Públiko, reshèrshinan di VVC a detené e hòmber sospechoso A.G.B. di
28 aña di edat nase na Kòrsou.
Detenshon di e sospechoso aki a tuma lugá na su kas den Paramariboweg.
Despues di su detenshon a kontinuá ku un entrada hudisial na e mesun adrès.
Durante di e entrada hudisial a haña i konfiská varios artíkulo ku ta di importansia pa e
investigashon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.