Hopi kas di famia sin awa

 

Presidente di Parlamento di Kòrsou
Señora Ch. America-Francisca
Wilhelminaplein # 4
PRESENTE

Willemstad, 11 di yüli 2023

Tópiko: Petishon pa dirigí pregunta na Minister Ruisandro Cijntje

Señora America-Francisca,

Pa medio di e karta aki, hasiendo uso di artíkulo 96 di Reglamentu di órden di Parlamento, mi kier pidi bo persona pa dirigí e karta athunto na Minister di Desaroyo Ekonómiko, señor Ruisandro Cijnte.

Danki pa e koperashon.

Atentamente,

 

Juniel R Carolina
Parlamentario pa
frakshon di MFK

 

Minister di Desaroyo Ekonómiko
Señor Ruisandro Cijnte
PRESENTE

Kòrsou, 11 di yüli 2023

Tópiko: Hopi kas di famia sin awa

Apresiabel Minister Cijntje,

Konstantemente Frakshon di MFK ta hañ’e ta atende ku kaso di siudadano sin akseso di awa na kas. Vários di e esakinan ta bini di kasnan di famia ku ta biba di un entrada hopi abou. Nos ta papia aki di debenan entre mil pa shen mil florin, e situashon ta hopi alarmante i tin mester di hopi atenshon.
Segun informashon ku frakshon di MFK den parlamento ta disponé di dje ta ku Aqualectra NV tin mas o ménos 4500 meter di awa registrá ku ta deskonektá for di e ret di awa, pa motibu di atraso den pago i o inregularidat di konekshon, esaki ta kalkulá na mas o ménos 60 mion florin.
Konsiderando ku:
– awa ta vital pa sobrebibensia di hende, mata i bestia;
– awa ta un elemento natural;
– awa ta sirbi pa mantené higiena;
– na 2015 mundu a komprometé su mes ku e plan pa desaroyo sostenibel “SDG” pa alkansá e ophetivonan di e agènda 2030 “awa pa un i tur”;
– un di e ophetivo nan den e plan pa desaroyo sostenibel “SDG” esta “SDG 6” ta enfoká riba awa limpi i sanitario pa tur hende.

Suskrito ta hasi uso di artíkulo 96 di reglamentu di órden pa hasi e siguiente preguntanan na e Minister di Desaroyo Ekonómiko señor Ruisandro Cijntje:
– Minister ta na altura di e kantidat di kasnan di famianan ku ta deskonektá for di ret di awa di Aqualecatra NV ?
– Minister ta na altura ku Nashon Uni fo’i 1993 a proklamá dia internashonal di awa i a bisa ku tur loke ta hende, bestia i mata no por biba sin awa?
– Minister por informá parlamento kuantu meter di awa total Aqualectra NV tin deskonektá?
– Minister por splika parlamento kuantu esaki ta den sifra?
– Minister ta na altura kuantu di e meternan di awa deskonektá ta di kasnan di famia ku tin un entrada di ònderstant i penshun aov?
– Minister por splika parlamento dikon Aqualectra NV no por yuda i trese un solushon pa e kasnan di famia na Klein Sta Martha i na Roisanto kaminda ku a konstatá ku e kasnan aki tabata usa awa sin paga Aqualectra NV?

 

– Minister tin un plan pa ku solushon di kasnan di famia ku ta deskonektá for di ret di awa di Aqualectra NV?
– Kiko minister ta opinion ta riba un proposishon pa posibelmente bini ku un plan pa eksonera e debenan di e klientenan di Aqualectra NV ku ta ménos pudiente?
– Minister por informá parlamento, ki dia Aqualectra NV ta kumisa instalá pagatinu di awa?
– Minister ta na altura ku kunukeronan por risibí awa limpi na un preis preferensial serka Aqualectra NV?
– Minister por informá parlamento konta ku e plan pa prosesa e awa salu na bahia di St Joris i usa esaki pa distribuí na e kunukeronan den banda riba?
– Minister por informá parlamento kuantu kunukero i kriadó di bestia a apliká pa e plan?
Sperando ku Minister Ruisandro Cijntje lo kontesta nos karta den e tempu definí den e protokòl firmá entre gobièrnu di Kòrsou i Parlamento pa asina trese un solushon pa ku e krísis na e kasnan di famia ku ta deskonektá for di e ret di awa di Aqaulectra NV.

 

Atentamente,

 

Juniel R Carolina
Parlamentario pa
frakshon di MFK