KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Ta bai aktua kontra stashonamentu riba asera.

KOMUNIKADO DI PRENSA 342/2023.
19 yüli 2023.

Ta bai aktua kontra stashonamentu riba asera.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

 

Próksimamente polis ta bai atendé di forma mas dirigí i severo kontra shofùrnan ku ta
stashoná nan vehíkulonan riba asera, ku ta destiná pa hendenan ku ta move na pia.
Na numeroso okashon ta tumando nota ku mas i mas shofùrnan di vehíkulonan di motor ta
parker nan vehíkulo riba asera, hinkando hendenan ku ta trafiká na pia den peliger.
Pa motibu ku e últimonan aki mester baha for di asera i hasi uso di e parti di kaminda ku ta
destiná pa vehíkulonan motorisá, ku tur e konsekuensia ku esaki por trese kuné.
E akshonnan aki ku pronto lo inisiá, ta enserá ku na momentu ku topa ku un vehíkulo
stashoná riba asera, lo klèm esaki òf lo kita esaki ku kran i bai pone na un otro sítio.
Gastu di e kran lo bini pa shofùr di e vehíkulo i tambe lo e risibí un prosès verbal.
Den kaso ku klèm e vehíkulo, tambe e shofùr ta risibí un but na momentu ku polis bin kita e
klèm.
Polis ta supliká tur outomobilista pa sigui reglanan di tráfiko debídamente i evitá
komportashonnan íresponsabel ku por perhudiká bo mes despues.

 

639114718427035"
639114718427035"