Entregá na sr. Sithree van Heydoorn, Minister di Enseñansa, Siensia, Kultura i Deporte, i sr. Ruisandro Cijntje, Minister di Desaroyo Ekonomiko enkarga ku Turismo, di e diskurso ofisial di srta. Suenthely Henriette
Pa entregá na sr. Sithree van Heydoorn, Minister di Enseñansa, Siensia, Kultura i Deporte, i sr. Ruisandro Cijntje, Minister di Desaroyo Ekonomiko enkarga ku Turismo, di e diskurso ofisial di srta. Suenthely Henriette
Srta. Suenthely Henriette ta biaha djabierne 21 di ougustus 2023 pa El Salvador pa asina partisipa na e sertamen di hobennan ‘Miss Teen Americas’ ku lo tuma luga djasabra, 29 di augustus 2023 na San Salvador.
Durante e sertámen tur partispante mester presenta un diskurso. E aña aki nos representante srta. Henriette lo hiba komo topiko di e diskurso: Mi identidat: Ken mi ta.
E aña nos representante srta. Suenthely Henriette ta bai pa defende e titulo ku nos representante na 2022, srta. Kimberly Acosta, a gana komo Miss Teen Americas International 2022-2023. Esaki lo ta un ‘back to back’ pa Kòrsou!
Miss Teen Americas Curaçao 2023
Presentashon diskurso foro hubenil sertámen Miss Teen Americas International 2023
Presente:
Sr. Sithree van Heydoorn, Minister di Enseñansa, Siensia, Kultura i Deporte
Sr. Ruisandro Cijntje, Minister di Desaroyo Ekonomiko enkarga ku turismo
Srta. Suenthely Henriette,Miss Teen Americas Curaçao 2023
Sra. Michalou Seferina, mama Suenthely
Miembronan di Prensa: Korant, Radio, Televishon, Media Sosial
Giovanni i Angelica Abath, T.1 Experience Gallery & Atalier
Presidente i Miembronan di CICQ, Curaçao International Crowned Queens
Bon tardi i bon bini.
Djabièrnè 21 di yülii 2023 ta biaha pa San Salvador, El Salvador, srta. Suenthely Henriette, Miss Teen America Curaçao. Suenthely su biahe ta den kuadro di sertámen Miss Teen Americas International 2023 ku lo tuma luga djasabra 29 di yüli 2023.
Tambe ta biaha srta. Kimberly Acosta, Miss Teen Americas International 2022, ku lo entrega su korona na su susesora ku lo ser eligi djasabra 29 di yüli 2023.
Direktor di CICQ, Curaçao International Crowned Queens, Gionel Virginie, ta biaha huntu ku nos embahadornan i lo ta alaves tambe preparador general i estilista enkarga ku make up i kabei pa asina nos embahadoranan lusi kompletu.
Sertámen Miss Teen Americas International ta konta e aña aki ku partisipashon di 20 pais di kontinente Amerikano i di Karibe.
E highlight di e sertámen di Miss Teen Americas International ta riba djárason 26 di yüli kaminda kada partisipante lo presenta un speech durante di e foro hubenil.
E topiko di e speech mester ta un problematika i/òf un prekupashon ku e representante di e pais tin.
Importante ta pa durante di e speech e representante presenta e posibel solushon di e problematika.
Nos embahadora, srta. Suenthely Henriette, a skohe e topiko: Ken mi ta? Di unda mi ta bin? Kua ta mi identidat?
P’esei awe nos ta aki na 7.1 Experience Galleria & Atelier Giovanni Abath.
Pa asina simbolikamente bisti Suenthely ku un ‘pechi di yaya’, ku ta un di e kolekshonnan di nos lensu nan di mara kabes folkloriko di antaño. Esaki ta e lensu di mara kabes mas deftig ku a wordu hereda for di Fransia i ku nos ta usa dor di un ‘yaya’ pa entre otro bai batisa un yu.
Den brasa di un ‘yaya’ semper un yu ta haña kalor i amor, i esei nos embahador Kurasoleña, Suenthely Henriette ta ofrese i komparti ku tur hende ku e ta topa i komunika ku ne.
E pechi di yaya pa Suenthely a wordu mara ku un toke moderno pa sra. Cenaida van Dinter.
I pa e okashon aki nos ta honra sra. Cenaida van Dinter pa e bisti Suenthely e pechi di yaya.
E pechi di yaya ku Suenthely tin bisti awe tardi lo forma parti di su bistuario durante di e foro hubenil djarason 26 di yüli na El Salvador.
E speech ku Suenthely lo presenta e topiko ta un sugerensia di Guido Rojer.
Suenthely a haña yudansa di Rachid Pietersz pa kaba di forma e ‘body’ di e speech.
Pa e ser presenta den idioma spaño perfekto traduktornan sra. Mariselle Bermudez i sra. June Leonora a pone e toke final.
Pa nos por duna realise na e presentashon di awe tardi, nos a skohe 7.1 Experience Gallerie & Atelier serka Giovanni i Angelica Abath pa asina duna honor na un di nos artistanan lokal i risibi e inspirashon i kalor di kreashonnan artistiko.
I den e ambiente aki nos ke hasi entrega di e speech/diskurso di srta. Suenthely Henriette na nos Minister di Enseñansa, Siensia, Kultura i Deporte ku ta karga nos enseñansa i kultura na haltu. I ta duna sosten na nos hobennan.
Sr. Minister Sithree van Heydoorn.
Suenthely ta bisa algu i entrega sr. Minister e speech.
Komo ku partisipashon na sertámen di Miss Teen Americas International ta un forma di merkadea Kòrsou turistikamente, nos ta inmensamente agradesi na nos Minister di Desaroyo Ekonomiko, sr. Richandro Cijntje, ku ta balorisa e trabou ku nos ta hasi pa medio di nos hobennan i ta hasi entrega tambe na sr. Minister Cijntje di e speech.
Sr. Minister Ruisandro Cijntje .
Suenthely ta bisa algu i entrega sr. Minister e speech.
Publikashon di e kontenido di e speech lo tuma luga djarason 26 di yüli 2023 anochi despues ku Suenthely presenta esaki durante di e foro.
Nos ta gradisi tur pero tur persona ku di un òf otro forma a koopera i kontribiu pa realisason di partisipashon di Suenthely Henriette na sertámen Miss Teen Curaçao.
Riba nos paginanan sosial facebook i instagram nos lo hasi menshon di nan pa no lubida ningun persona, kompania i/òf instansia.
Danki na tur presente pa a forma parti di e akontesimentu aki.
Asina aki nos ta klousura e atardi aki deseando Suenthely un bon biahe i e miho deseonan pa e briya i ku djaluna 31 di yüli 2023 nos lo risibiele korona komo Miss Teen Americas International 2023 na airopuerto di Kòrsou.
Djaweps, 20 di yüli 2023