TPK ku petishon na Minister Cijnjte pa tresé Messi Kòrsou
TPK ku petishon na Minister Cijnjte pa tresé Messi Kòrsou
Bon oportunidat pa promoshon pa Kòrsou
Turismo a bira e pilá ekonómiko mas grandi di Kòrsou. Den luna di yüni Minister Cijntje a trese algun futbolista legendario di Hulanda, Brazil, Colombia i Kòrsou. Sinembargo ta nos tur mester sigui yuda pa atraé mas turista pa Kòrsou. Minister Cijntje ta habri kaminda tresiendo diferente aero linea Kòrsou. Un di e strategia nan pa mas hende sa di Kòrsou i bini Kòrsou komo destinashon ta e video ku nos pelotero nan profeshonal di beisbòl. Trabou pa Kòrsou ta mira oportunidat awor pa Minister Cijntje hasi loke ta na su alkanse pa tresé e futbolista Messi Kòrsou. Messi n’e momento nan aki ta biba na Miami paso ela bai forma parti di e ekipo Inter Miami. P’e solo echo aki Messi ta na Miami kual ta un djé parti nan di Merka ku Kòrsou tin hopi konekshon kuné, ta buta ku tur wowo di mundu ta riba Miami.
P’esei Kòrsou tambe mester hasi uzo di e oportunidat aki i laga Messi bini Kòrsou i uza e momentu komo unu pa hasi promoshon na Kòrsou. Kaminda Messi ta, prensa i tur revista ta. Lo e bira un propaganda grandi pa Kòrsou.
sr. Rennox Calmes