KOMUNIKADO DI PRENSA 349/2023.
23 yüli 2023.

Aksidente ku morto.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 23 di yüli 2023 alrededor di 11.02’or, Sentral di polis a risibí yamada pa un kaso
na Comanchestraat na unda e enkontrá un hòmber ku no tabata duna señal di bida.
Na yegada di e unidat nan a bin topa un hòmber ku ya no tabata reakshoná.
For di investigashon realisá na e sítio a sali na kla ku e hòmber aki durante di trabounan ku
e tabata ehersé, lo a aksidentá na un kòmprèsòr ku e konsekuensia fatal ku koriente lo a
dal’e.
Tim Forensiko di polis a hasi investigashon na e sítio.