KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Kaso di tiramentu.

 

KOMUNIKADO DI PRENSA 355/2023.
27 yüli 2023.

Kaso di tiramentu.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 27 di yüli 2023 alrededor di 12.24’or, Sentral di Polis a dirigí un unidat di warda di
polis di Rio Canario den área di Zuiderzeestraat pa un kaso di tiramentu.
Na yegada di e unidat, el a bin topa un hòmber ku a konta polis ku despues di un problema
bieu ku un bisiña, esaki lo a lòs tiru riba dje ku afortunadamente no a alkansé.
For di investigashon preliminar ku polis a realisá na e sítio, a resultá ku e bisiñanan aki
tabatin un problema ku otro for di mart último. Na e sítio, no a bin enkontrá ku e hòmber
sospechoso.
Despues di un ratu e sospechoso a regresá bèk na e sítio i mesora a hasi detenshon di e
hòmber D.P.L. di 36 aña di edat nase na Kòrsou.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

 

shot from a handgun with fire and smoke
639114718427035"
639114718427035"