Bestuur nobo FAC Fundashon Autosport Curaçao

Pa medio di e komunikado di prensa aki Fundashon Autosport Curaçao
ke partisipá lo siguiente:
Despues di un temporada di evaluashon i mirando e inportansia pa garantisá e
kontinuashon di e deporte di outo i motorsaikel na Kòrsou, a yega na e
desishon ku e direktiva den su totalidat di Fundshonan Autosport Curaçao
konsistiendo di:
– Sr. Dito de Kort
– Sr. Gerrit Van Giffen
– Sr. Anthony Cyntje
– Sr. Eddie de Kort
– Sr. Frank Brandao
a tuma retiro i ku entrante 19 di yüli 2023 a apuntá e direktiva nobo di
Fundashon Autosport Curaçao, den e personanan di:
– Sr. Davidson Meyer
– Sr. Ingemar Meyer
– Sr. Glennroy Meyer
Alaves direktiva nobo ta gradsi e direktiva saliente, pa nan vishon pionero i pa e
trabou inkansabel desplegá durante 34 aña. Nan ta primintí ku nan lo sigui
duna nan kontribushon na e deporte di outo i motorsaikel, ku e kompromiso pa
promové e deporte aki na e miho manera den nan alkanse.
Ayera FAC a tuma nota via Facebook, di e karta ku e Minister di VVRP lo a
manda pa FAC dia 4 di Yüli 2023. FAC no a risibí e karta aki nunka ofisialmente.
FAC ta lamentá e informashon nan robes ku a sali riba Facebook i den prensa i
tambe e forma ku ela sali. FAC ta kere ku e informashon ku a sali mester ta basá
riba un malkomprondementu òf en todo kaso e Minister di VVRP no a wòrdu
bon informá.
FAC no a traspasá tereno. FAC semper a kumpli ku e kondishon nan di e
erfpacht. FAC tin e deseo pa sinta na mesa ku e Minister di VVRP mas pronto
posibel pa asina duna klaridat.
E interés di FAC ta pa garantisá e kontinuashon i desaroyo di e deporte di outo i
motorsaikel en general. FAC tin plan nan grandi pa futuro pa diferente disiplina
di deporte di outo i motorsaikel. FAC lo ke kompartí tur su plan nan i
pensamentunan ku e Minister di VVRP i traha huntu ku Gobierno i otro
gruponan di deporte di outo i motorsaikel pa asina forma un unión.