KOMUNIKADO DI PRENSA 357/2023.
29 yüli 2023.

Kontròl riba lokalidatnan di pèrmit.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 28 di yüli 2023 entre 19.15’or i 23.45’or, Personal di warda di polis di Montaña
den koperashon ku M.E.O., B.A.B., Aduana i G.M.N. a tene kontròl riba establesimentunan
di pèrmit den e área pariba di Kòrsou.
A kontrolá un total di 12 lokalidat, di kua ningun di e establesimentunan aki tabata
kompletamente na òrdu.
Un (1) lokalidat a wòrdu será kompletamente, mientras dos (2) otro a wòrdu será
parsialmente.
E lokalidatnan a risibí atvertensia pa e siguiente inkumplimentunan:
 Bendementu di alkohòl na kùp;
 Falta di indikashon di preis riba produkto;
 Trahadá sin karchi di kùr bálido;
 Sigaria ku no tabata kontené seyo;
 Pèrmit pa benta di alkohòl ku a vense;
 Benta di number ilegal;
 Kushina a-higiéniko;
 Benta di produkto sin kasa di registrashon di B.A.B.
E kontròlnan aki lo kontinuá.