Klientenan di Sentro di Detenshon i Korekshon Kòrsou a batisá

Willemstad- Un total di 30 kliente di prizòn a tuma e desishon pa kambia nan bida i sigui Kristu.

Ta trata aki di klientenan ku ta sigui formashon i guia spiritual den Prizòn, bou di kordinashon di señor Marlon Jamanika.

Durante un seremonia di boutismo ku a tuma lugá bou di guia di Pastornan Angela, Snoep i un delegashon di Prizòn Fellowship International e klientenan akí a ser batisá i bendishoná pa drenta un bida nobo. Tabata un mainta bendishoná ku alabansa, orashon i adorashon na Kristu.

E inisiativa aki a lanta despues ku klientenan a aserka gerensia ku e petishon pa nan por batisá i demostrá ku nan a i ke kambia nan bida i bira un mihó hende den komunidat.

Gerensia di prizòn a sostené e aktividat akí, konsiderando ku un gran kantidat di kliente ku a sigui e rumbo aki den pasado, a bira personanan ehemplar den nos komunidat i tambe den eksterior. E gran mayoria di nan no a regresá prizòn nunka mas.

 

This site uses Akismet to reduce spam. Learn how your comment data is processed.

%d bloggers like this: