Minister Javier Silvania Pago promé restitushonnan impuesto riba entrada 2022
For di djaweps 27 di yüli, ontvanger a paga alrededor di 10 mion na restitushon pa 2022. E sistema computarisa a pone den un tiru 11.245 aanslagen.
Awendia e momento di trata bo deklarashon no ta dependé di e momento di entrega di bo deklarashon of prome letter di fam. Esei tabata e kaso den pasado prome ku sr Silvania a bira MinFin.
Si bo deklarashon por wòrdu kontrolá dor di e sistema, e ora’ei bo por risibí bo restitushon denter di 1 luna despues di entregá bo deklarashon.
Si bo deklarashon ta robes yená òf si tin un otro motibu ku bo deklarashon mester wòrdu kontrolá manualmente pa un empleado, por dura vários luna promé ku bo risibí bo restitushon.
Tur siman ta trata mas o ménos 600 deklarashon manualmente, paralelo na e proseso outomatisá. Esaki ta konta tambe pa e tratamentu di deklarashonnan di añanan anterior (2018-2021). E pago di restitushon tambe ta un proseso kontinuo.