PREPARASHONNAN TA KONTINUÁ PA NOS SELEKSHON NASHONAL U-15 SU PARTISIPASHON NA E 2023 CONCACAF BOYS’ UNDER 15 CHAMPIONSHIP! NOS HUNGADÓNAN TA KONOSÍ!

PREPARASHONNAN TA KONTINUÁ PA NOS SELEKSHON NASHONAL U-15 SU PARTISIPASHON NA E 2023 CONCACAF BOYS’ UNDER 15 CHAMPIONSHIP!

NOS HUNGADÓNAN TA KONOSÍ!

 

Nos a drenta e siman di e 2023 CONCACAF Boy’s Under-15 Championship ku lo inisiá djadumingu 6 di ougùstùs 2023 aki na Kòrsou. Preparashonnan ta kontinuá pa nos selekshon nashonal kategoria U-15 duna un bon presentashon durante nos partidonan di e torneo aki.

E kampionato aki lo tuma lugá di 6 pa 13 di ougùstùs 2023 i ta konta ku partisipashon di 16 pais di kual liga B ta hunga aki na Kòrsou.

 

Nos selekshon ta forma parti di grupo H ku lo enfrentá Antigua & Barbuda, Boneiru i St. Kitts & Nevis. Nos promé partido lo tuma lugá djadumingu 6 di ougùstùs kontra St. Kitts & Nevis, pa seguidamente nos topa Boneiru dia 7 i por último nos lo enfrentá Antigua & Barbuda dia 8 di ougùstùs den Stadion Rignaal ‘Jean’ Francisca durante e partidonan preliminar.

 

Nos selekshon ya tin algun siman ta praktiká i preparando pa saka kara di Kòrsou. Un grupo di 18 hungadó ta forma parti di nos selekshon nashonal kategoria U-15. E hungadónan aki ta hungadónan áktivo di nos Kampionato Hubenil pero tambe tin algun hungadó residensiá den eksterior ku a bin pa reforsá nos selekshon.

 

Nos selekshon ta wòrdu dirigí pa sr. Rudsel Schmidt ku ta wòrdu asistí pa sr. Kevin van Velzen i sr. Pablo Mark Alomá komo entrenadó di portero. Sr. Ebenezer Lourentz ta e masahista miéntras dòkter Ramfis Fillet tambe ta kompañá e selekshon. Sr. Rowendy Sumter ta esun enkargá ku e materialnan di nos selekshon, e ‘team manager’ di nos selekshon ta sra. Thessely Moesquit i e hefe di delegashon ta sr. Remfis Donker, miembro di direktiva di FFK.

 

E siguiente hungadónan ta forma parti di nos selekshon;

1. Franklin Bakhuis Bou (Inter Willemstad)
2. Mijeandrickson Bito (Sithoc)
3. Keano Brazil (C-Stars United)
4. Jëalardino Floranus (Subt)
5. Asher Ignecia (C-Stars United)
6. Mart Jansen (de Graafschap, Hulanda)
7. Arynel Jops (Vesta)
8. Chaniel Josefa (Vesta)
9. Keanu Maat (Atletiko Saliña)
10. Jay-Drian Offerman (Alexandria’66, Hulanda)
11. Jerremy Ortela (Inter Miami, USA)
12. Jean-Jacques Riguad (C-Stars United)
13. Tiago Schob (C-Stars United)
14. Jurvin Troeman, (Undeba)
15. Chris Tujeehut (AFC Ajax, Hulanda)
16. Jurvain Valentijn (Feyenoord, Hulanda)
17. Abel Visschers (Forum Sport Voorburg, Hulanda)
18. Sebastian van Woerkom Mejias (Inter Willemstad)

 

Nos selekshon nashonal U-15 ta konta ku sosten di henter pueblo di Kòrsou pa bin apoyá i sostené nan durante nos partidonan dia 6, 7 i 8 di ougústús próksimo den Stadion Rignaal ‘Jean’ Francisca! Kòrda ku tur e partidonan di e torneo aki ta grátis.