‘WALK IN’ DIA 1 I 2 DI OUGÙSTÙS PA TUR KU NO POR A KÙR VEHÍKULONAN RIBA 27 I 28 DI YÜLI

Willemstad – Servisio pa Tráfiko i Transporte ta partisipá ku komo konsekuensia di e wèlga ku a tuma lugá na Selikor, no por a brinda e servisio kustumbrá riba djaweps 27 i djabièrnè 28 yüli 2023. Esaki a enserá kùrmentu di vehíkuko, registrashon o transpaso di dokumento di vehíkulo. 

Tur kliente ku tabatin un fecha riba un di e dos dianan ariba menshoná pa kùr vehíkulo, por pasa riba djamars 1 òf djarason 2 ougùstùs 2023 pa kùr durante di dia entre 7:30 pa 11:30, i parti mèrdia entre 13:30 pa 15:30. Pa tur persona ku e fecha di kùr ta òf a vensé durante di e dianan menshoná lo no tin kosto adishonal. No tin nodi di traha sita, por hasi estilo “walk-in”.